黃子華棟篤笑告別作《金盆𠺘口》於紅館上演26場，昨晚進行最後一場。談到禁果話題，子華笑問有那種生果好食過禁果，有觀眾大叫榴槤。子華笑言，「第二場有個女人講過榴槤後，自此無一場平靜過，也不知你們是泰國定馬來西亞的間諜，期間有人大叫要回水，子華即謂：「食咗榴槤，仲要我回水。好似得你哋聽到講乜，我唔阻住你哋嘛？但你哋阻住我，我唔記得自己講過乜，我好易唔記得架。」
開騷期間，有女粉絲送上穿著tee的傻豹公仔畀子華，但子華笑言感覺有少少不祥，就算掛門口賊人不敢入，亦介乎生死之間。最搞笑子華講講下，身上西裝外套的鈕扣甩掉，他笑言第一次穿著，為了最後一場著畀大家睇，隨即有觀眾大叫要求除衫，子華即解釋這些叫面斥不雅，便除去煲呔，便說：「香港幾好都有，幾衰都有。」
臨近尾聲，黃子華以示答謝觀眾支持，逐一向四面台的觀眾鞠躬，更忍不住落淚，便以手巾拭淚。後來他解釋為何自己要開棟篤笑，更列出十幾個原因，當中有快將30歲、朋友患有腎病、時常失眠、下班後不想回家又時興搞笑騷等。最後唱出「幻海奇情」為騷完滿結束，子華於晚上11時正式完騷，子華離開舞台時雙手合十，臨返入後台更轉身向外觀眾鞠躬。
以下讓我們再一次重溫子華說過的職場金句：
1/無論個世道幾唔好，呢個社會有一個人永遠系對你有信心嘅，嗰個就系稅局啦，永遠要你預繳
2/在一個員工的心目中，工資與表現應該脫勾。無表現，照出糧；有表現，要出4糧至8糧，愈多愈好，那麼公司會執笠？唔緊要，攞賠償
3/唔係因為公司得到咗咩，而係我喪失咗咩，所以嚴格來講，你每個月底畀我嘅唔係糧，而係賠償。
4/D老板成日話D員工做野都唔攞個心出嚟，激死人……D員工就成日話老板都唔攞嚿金出嚟，洗死人！
5/老闆畀份人工你，一半係畀你做嘢嘅，一半係畀你受氣嘅！
6/我有一份工，叫做陰功。
7/鞠躬盡瘁死而後已…IF I TRY SO HARD, I WILL DIE AFTER WORST.
8/香港嘅精神，就係「冇精神」。
9/每一個上司都係冇料架喎，如果唔係就唔使請下屬啦，做下屬嘅就係幫上司做曬佢哋唔識做嘅嘢
10/辦公室精英4大入職要求：HEA做、假度、虛應、陪笑。
資料：星島日報
Email: advertising@jobmarket.com.hk
Email: enquiry@jobmarket.com.hk
